Koronutilmælini linka

Fólk skulu framvegis testast, bæði fyrsta og fjórða dagin. Men tey fáa kortini fríari ræsur at ferðast í samfelagnum. Tað var høvuðsboðskapurin á tíðindafundinum hjá landsstýrinum í dag.

Tey, sum ikki eru koppsett, skulu fyrstu dagarnar halda seg frá størri mannfjøldum, har smitta skjótt kann nørast. Landsstýrið vil eisini hava tey ungu koppsett fyrr enn higartil ætlað.

Meðan onnur tilmæli verða linkað, so heldur landsstýrið fast við, at í mesta lagi 500 fólk kunnu savnast - bæði uttandura og innandura.