Ein dyst frá svenska meistaraheitinum

 - Eg havi tað super. Eg gleði meg øgiliga nógv, og eg hopi, at vit kunnu avgera tað í morgin.

Soleiðis sigur Elias Ellefsen á Skipagøtu kvøldið fyri triðju - og kanska avgerandi - finaluni um svenska meistaraheitið í hondbólti.

IK Sävehof hevur vunnið tvær tær fyrstu finalurnar. Ta fyrstu tepurt við einum málið eftir tvær ferðir longda leiktíð og aðru finaluna vunnu Elias og teir við 1o málum.

Unga stjørnuskotið hevur eisini eitt boð upp á, hvussu Sävehof skal vinna triðja dystin og tryggja sær meistaraheitið.

 - Vit skulu gera tað, sum vit hava gjørt hinar dystirnar, har vit halda reglurnar hjá okkum í verjuni og renna nógv kontra, tí tað hevur eydnast væl í seinastuni, sigur Elias Ellefsen á Skipagøtu.