Kunngerðin um laksalús skal broytast

Havbúnaðarfelagið tekur undir við nøkrum broytingum, sum ætlanin er at gera í kunngerðini um laksalús.

Felagið tekur millum annað undir við, at markvirðið fer niður í eina lús.

Frá 1. juni til 31. juli í ár er hetta markvirðið tó hálv lús. Og næsta ár verður hetta tíðarskeiðið frá 1. mai til 31. juli. 

Men Havbúnaðarfelagið heldur, at aðrar broytingar í lúsakunngerðini eiga at verða viðgjørdar neyvari og í breiðari høpi.

Felagið mælir tí frá at gera hesar broytingar nú.

Havbúnaðarfelagið fer í heyst at viðgera lúsakunngerðina. Niðurstøðan kemur fyrst í 2022.