Countryfestivalurin (aftur) avlýstur í ár

Tað verður heldur eingin countryfestivalur í Sørvági í ár. Tað váttar Hjalmar Hvítklett, sum er nevndarformaður fyri Sørvágs Country-og Bluesfestival, við in.fo. 

Hjalmar hvítklett sigur, at støðan, sum tey hava tikið, er endalig. Tey harmast um, at myndugleikarnir ikki kunnu koma við greiðum boðum.

Fyriskipari: Reglurnar ov ógreiðar

– Reglurnar eru alt ov ógreiðar um, hvussu eitt slíkt tiltak kann haldast, og tí hava vit valt at avlýsa, sigur Hjalmar Hvítklett við heimasíðuna.

Nevndarformaðurin í Sørvágs Country- og Bluesfestivali hartar myndugleikarnar fyri, at teir skaka sær undan ábyrgd, bæði politikarar og farsóttarnevndin. 

– Vit hava spurt og spurt, og vit hava bíðað sum longst. Eitt slíkt tiltak kann ikki stáplast á føtur eftir tveimum døgum, og tí hava vit í dag gjørt av, at eingin festivalur verður í Sørvági í ár - annað árið á rað, sigur Hjalmar Hvítklett við in.fo