Allir serlæknar skulu búgva í Føroyum

Miðað verður eftir, at allir serlæknar í sjúkrahúsverkinum búgva í Føroyum.

Nú búgva 40 serlæknar í Føroyum.

Ráðgevar ella ráðgevarafyritøkur hava 15 serlæknaársverk. Hetta eru serlæknar, sum koma uttaneftir.

Tað sigur Kaj Leo Holm Johannesen, landsstýrismaður, í svari til Jóhannis Joensen, løgtingsmann.

Játtanin hækkað

Sjúkrahúsverkið metir, at tað er ein fyrimunur fyri bæði lækna og sjúkling, at serlæknir búgva í Føroyum.

Í fíggjarlógunum fyri 2020 og 2021 er játtanin til at seta serlæknar hækkað 6,4 mió. kr.

Í sama tíðarskeiði er játtanin til at útbúgva yngri læknar hækkað 3,9  mió.kr.