NSÍ: Ungdómurin skal hava møguleikan at rógva

Mikukvøldið klokkan 20 varð kappróðrarfelagið NSÍ spurt, um tað kundi skipa fyri FM-kappróðri leygardag, bert tríggjar dagar seinni.

Seinu boðini komu av, at KÍF, sum annars skuldi skipa fyri róðrinum í samband við sundalagsstevnuna, mátti kasta frá sær, tí neyðuga útgerðin ikki var tøk.

 - Tað fyrsta, sum Eiler (Lamhauge, red.), formaðurin, segði, var, at tað kundi als ikki lata seg gera. Men vit blivu skjótt samdir um, at tað, sum yvirhøvur ikki bar til, var, at róðurin ikki skuldi verða, so vit máttu bara í gongd við tað, sigur Eyðun Petersen úr kappróðrarfelagnum NSÍ.

Tá avgerðin var tikin, gekk skjótt at seta í verk.

 - Tað skuldu bara nakrar fáar samrøður til, so hevur mann fatur á lyklafólkunum, og vit hava fatur á Runavíkar Havn og kommununi, og tá eg havi fingið boð um, at vit skulu halda okkum til, melda vit aftur, at vit kunnu verða klár.