Delta frábrigdið í Parkini - 4000 skulu kannast

Delta frábrigdið í Parkini - 4000 skulu kannast
Stýrið fyri sjúklingatrygd í Danmark heitir nú á 4000 fólk at lata seg kanna fyri indiska koronafrábrigdið, sum verður kallað Delta. Trý fólk, sum vóru í Parkini, vóru smittað
 
23.06.2021 - 20:31

Tá Danmark spældi EM-dyst móti Belgia í Parkini fyri einari viku síðani, vóru ikki einans nógvir glaðir áskoðarar til dystin. Indiska koronafrábrgidið, Delta, var eisini í Parkini hetta kvøldið. 

Trý fólk, sum vóru í Parkini til landsdystin móti Belgia, vórðu smittað við Delta, skrivar DR á heimasíðuni.

Tað hevur fingið Stýrið fyri sjúklingatrygd í Danmark at heita á 4000 fólk, sum vóru í Parkini hetta kvøldið, um at lata seg kanna beinavegin. Talan er um fólk, sum hava sitið í deildunum C 1-4 og C 6-7. 

"Vit vita, at tað eru tríggir persónar, sum óheftir av hvørjum øðrum, eru vorðnir smittaðir við frábrigdinum L452R, sum við stórum sannlíkindi er indiska Delta-frábrigdið," sigur Anette Lykke Petri, stjóri í Stýrinum fyri sjúklingatrygd. 

"Hesi fólkini eru øll smittað undir dystinum, og tey fingu ikki sjúkueyðkenni fyrr enn tríggjar til fýra dagar eftir dystin. Tað vil siga, at tað hevur vera ein ókend smittukelda til staðar í teimum deildunum, har tey hava sitið."

Stýrið fyri sjúklingatrygd ger samstundis greitt, at teir tríggir persónarnir, teirra nærmastu og øll tey, ið tey hava verið í tøttum sambandi við, eru send í sóttarhald. 

Er kopiera
Nýggjastu sendingar í ÚV
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Leygardag 22. februar
Vikan 22. februar 2025
188150
Nýggjastu sendingar í SV
Leygardag 22. februar
Dagur og vika - teknmálstulkað
188151
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097
Fríggjadag 21. februar
Veðrið
188130
Mikudag 19. februar
Dagur og vika - teknmálstulkað
187990