Christian í grótinum flotaður

Skrokkurin á nýggja Christiani í Grótinum varð flotaður í Gdyna í Pólandi í gjár. Skipið er 90 metrar langt og 17 metrar breitt. Tað hevur 16 RSW tangar, sum tilsamans  taka góð 3 túsund tons av niðurkøldum fiski.

Skrokkurin verður nú sleipaður til Skagen, har Karstensens Skibsværft skal gera skipið liðugt. Christian í Grótinum kostar um 300 milliónir krónur, tá tað verður latið eigarunum í januar næsta ár.