Bilasølur selja 12 persónbilar um dagin

Í miðal seldu bilsølurnar 12 bilar um dagin teir dagar, tær vóru opnar, í juni.

Níggju persónbilar vórðu seldir um dagin.

Men færri nýggir bilar vórðu skrásettir í juni í ár enn í juni í fjør. Teir vóru 27 fleiri í juni í fjør.

Persónbilarnir vóru tó 12 fleiri í ár.

Fyrra hálvárið vórðu skrásett 1594 nýggj akfør í Føroyum, 175, stívliga 12 prosent fleiri enn fyrra hálvárið 2020.

Nøkur innflutt brúkt akfør eru eisini skrásett. Tey eru 26 fleiri í juni í ár enn í juni í fjør og 10 fleiri í fyrra hálvári.

Tølini eru tó ikki stór, 156 í hálvárinum og 54 í juni.