Stórur fóðurflaki liggur nú á Sandsvág

Alifyritøkan Mowi ætlar at ala 6000 tons av laksi á Sandsvág.

Tí verða íløgur í hesum døgum gjørdar fyri 40 milliónir krónur, bæði í nýggjar og størri aliringar.

Men eisini í ein stóran fóðurflaka, sum í gjár kom at liggja út fyri náttúrufriðaðu Mølheyggjunum á Sandi.

Fóðurflakin tekur 700 tons av fóðri til laks og 5 tons av fóðri til rognkelsir. Flakin er útgjørdur við framkomnari sjálvvirkandi fóðurskipan, sum er ment av starvsfólkum hjá JT electric á Kambsdali. Allar skipanir umborð eru fjarstýrdar, og tí er ikki neyðugt at hava fólk á sjálvum flakanum.

Árnaberg, fóðurflaki