Drekin snerkti Fípuna á Varmakeldu

Á jóansøku vann Fípan Fagra óvæntað róðurin við 5-mannaførum við gentum í harðari kappping við Drekan. Á Varmakeldu skiftu bátarnir um pláss og Drekin tók triðja sigurin í ár

Símun Christian Olsen

05.07.2021 - 11:32

Drekin vildi ikki finna seg í, at Fípan Fagra hevði vunnið á honum á kóansøku fyri viku síðan.

5-mannafarið úr Havnar Róðrarfelag snerkti eisini Fípuna og vann sín triðja sigur í ár, men tað var ikki uttan svørslag í einum spennandi og jøvnum róðri á Fuglafirði.

- Eg haldi, at tað er stuttligari at rógva, tá tað er so javnt, tí tað er meir spenningur í. Tað er strævið, tá mann er í tí, men so tá mann er komin á mál, so..., søgdu tær á Drekanum, sum eisini vunnu FM-heitið í fjør.

5-MANNAFAR, GENTUR

Nr	Bátanavn	Tíð	Stig	Gult
1	Drekin	05:24.25	7	0
2	Fípan Fagra	05:24.45	6	0
3	Firvaldur	05:26.49	5	0
4	Hulda	05:34.10	4	0
5	Títlingur	05:34.38	3	1
6	Tambar	05:36.16	2	0
7	Sævarmoy	05:36.17	1	1
8	Teistin	05:37.13	0	0
9	Kjósin	05:38.26	0	0
10	Ingibjørg	05:40.13	0	0
11	Junkarin	05:47.02	0	0
12	Malunarhav	05:50.17	0	0