Frítekst tagging:
- Tíðindi, mentan og ítróttur
Eldgos í Íslandi dálkar lítið ella einki í Føroyum
Eldgos í Íslandi dálkar lítið ella einki í Føroyum
Føroyingar nýtast ikki óttast, at íslendsk eldgos geva luftdálking í Føroyum, boðar Umhvørvisstovan frá
Mynd: Savnsmynd
22.07.2021 - 07:00
Eingin óvanlig luftdálking er í Føroyum er í hesum døgum, sigur Umhvørvisstovan.
Sagt hevur verið, at øska frá eldgosinum í Íslandi er komin til Føroya seinastu dagarnar.
Men einki er at óttast, og eingin heilsuvandi er, sigur Umhvørvisstovan.
Ikki yvir miðal
Mátingar hjá Umhvørvisstovani vísa, at bitlar í luftini seinastu dagarnar hava verið nakað yvir miðal fyri árið 2021.
Men tað er vanligt, at fleiri bitlar enn miðal eru í luftini stutt tíðarskeið.
Orsøkin kann vera eldgos, men hon kann eisini vera so nógv annað, til dømis skógareldar ella staðbundin dálking.
Undir markvirðinum
Mátingarnar vísa, at bitlatalið tó er langt undir markvirðinum.
Svávulin í luftini fer heldur ikki upp um markvirðið.
Umhvørvisstovan hevur síðan 2014 havt eina skipan, ið støðugt mátar luftgóðskuna.
Skipanin, sum varð fingin til vega eftir gosið av Eyjafjallajökulli í 2010, kann nýtast í tilbúgvingarhøpi, t.d. í sambandi luftdálking eftir eldgos í Íslandi.
Fólk kunnu kunna seg um luftgóðskuna í Føroyum á heimasíðuni hjá Umhvørvisstovuni.
Er kopiera
Nýggjastu sendingar í ÚV
Mánadag 6. januar
RagnarRokk: Jan Christian Halfbrodt um Celbration Day-30 Years Of Mob Rules
185913
Nýggjastu sendingar í SV
