- Tíðindi, mentan og ítróttur
Føroyingar kunnu koppsetast í Danmark
Føroyingar kunnu koppsetast í Danmark
Danska heilsumálaráðið boðar nú frá, at føroyingar og grønlendingar kunnu koppsetast fyri koronu í Danmark
![](https://kvf.fo/sites/default/files/styles/grein-ovasta-mynd/public/koppseting_i_danmark.jpg?itok=h6UEcdrp)
23.07.2021 - 11:36
Føroyingar og grønlendingar kunnu nú koppsetast fyri covid-19 í Danmark.
Tað boðar danska heilsumálaráðið frá í dag.
Áður hava einans føroyingar og grønlendingar við bústaði í Danmark havt møguleikan, men er kravið um bústað nú strikað.
Nú er einasta krav, at persónurin hevur bústað í Ríkisfelagsskapinum.
Danska kunngerðin er broytt, tí nú verður mett, at tað er nokk til av koppingarevni at koppseta teir føroyingar og grønlendingar, sum av ymsum ávum, eru í Danmark.
Mett verður, at talan er um eini 5.500 fólk.
Nýggjastu sendingar í ÚV
Nýggjastu sendingar í SV