Fleiri boð upp á Magnus Heinason

Fleiri boð eru komin upp á gamla havrannsóknarskipið Magnus Heinason, sum er til sølu, og hevur ligið við bryggju í Vestmanna síðani í mars mánaði.

Tað skrivar heimasíðan vp.fo.

Eilif Gaard, stjóri á Havstovuni, vil ikki siga, hvussu nógv verður boðið upp á skipið, ella hvussu nógv Havstovan vil hava fyri tað. Men hann væntar sambært VP, at tað ikki gongur so long tíð, til Magnus Heinason er seldur.

Magnus Heinason er bygdur í 1978.