Útlátið vaks fimm prosent í fjør

CO2-útlátið í Føroyum minkar ikki, tvørturímóti.

Tað var 4,7 prosent størri í 2020 enn í 2019, upplýsir Umhvørvisstovan. 

Eftir at útlátið var rættiliga støðugt fram til 2016, vaks útlátið ógvisliga í 2017, næstan 20 prosent.

Í 2018 var vøksturin 12 prosent og í 2019 seks prosent.

Seinastu fýra árini er útlátið vaksið meira enn 25 prosent.

Sum vant áttu fiskiskipini størsta partin, góð 40 prosent, av útlátinum í fjør. Tey útlendsku fiskiskipini áttu størra partin.