Barnalæknar mæla til at koppsseta børn frá 12 til 15 ár

Barnalæknarnir halda, at váðin fyri hættisligum hjáárinum er sera lítil samanborið við heilsuliga vinningin fyri alt fólkið, verður sagt í skrivinum. 

Hetta fegnast landslæknin um, tí koppseting av 12 til 15 ára gomlum er avgerandi fyri at røkka floksimmuniteti, sigur hann. 

Kaj Leo Holm Johannesen, landsstýrismaður í heilsumálum, hevur víðkað kunngerðina fyri koppseting fyri koronu eftir greiðum tilmæli frá koppsetingarbólkinum og við viðmæli frá barnalæknunum, nú kunngerðin eisini fevnir um yngra aldursbólkin 12 til 15 ár.

Nýggj kunning um koppseting av hesum aldursbólkinum er at finna á heimasíðuni, www.korona.fo.