489 fólk í endurmenning í fjør

489 fólk í endurmenning í fjør
Landsstýriskvinnan í almannamálum metir, at játtanin næsta ár skal hækka 700.000 kr.
Í ár eru játtaðar góðar 22,3 mió. kr. til endurmenning.
 
17.08.2021 - 10:25

Almannaverkið hevði 489 fólk í endurmenning í fjør.

Í ár eru játtaðar góðar 22,3 mió. kr. til endurmenning, til deildina menning í Almannaverkinum, endurvenjing, viðlíkahaldsvenjing og til tiltakið, sum eitur Megna títt lív.

Elsebeth Mercedis Gunnleygsdóttir, landsstýriskvinna, hevur svarað fyrispurningi frá Johan Dal, løgtingsmanni. (Mynd: Bjarni Árting Rubeksen)

Í fjør vórðu góðar 18,6 mió. kr. til hesar kontur.

Byrja í september

Viðlíkahaldsvenjingar byrja tó ikki fyrr enn í september í ár. Tær fara at kosta 12 mió. kr. um árið, tá rættilig gongd er komin á.

Í ár eru játtaðar tvær mió. kr.  

Elsebeth Mercedis Gunnleygsdóttir, landsstýriskvinna, hevur svarað Johan Dahl, løgtingsmanni, sum spurdi um útreiðslur til rehabilitering á almannaøkinum.

Hon sigur, at enn er ikki farið undir at gera uppskot um fíggjarlóg fyri 2022, so ikki ber til at siga, hvør játtanin verður tá.

Eigur at hækka 700.000 kr.

Mett verður, at játtanin eigur at hækka 700.000 kr., so hon kemur á tað stig, sum tað er at veita vælvirkandi tænastur í tráð við tilmæli um tænastupolitikk. 

Framskrivaðu játtanarkarmarnir fyri 2022-2026 eru grundaðir á galdandi lóggávu og verandi virksemisstig, sigur landsstýriskvinnan.

Johan Dahl, løgtingsmaður, hevur fingið svar um rehabilitering. (Mynd: Bjarni Árting Rubeksen)
 
Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470