Taka fleiri lesandi inn næsta ár

Ætlanin er at taka fleiri lesandi inn á heilsufakligu útbúgvingarnar næsta ár enn í ár.

Tað sigur Jenis av Rana, landsstýrismaður, í svari til Anniku Olsen, løgtingskvinnu.

Landsstýrismaðurin í mentamálum sigur, at møguleikin fyri at geva starvsfólki á eldraøkinum løn undir útbúgving er umrøddur, og hann verður framvegis kannaður.

Førleikamenna starvsfólk

Harumframt verður arbeitt við ítøkiligum uppskoti um at førleikamenna starvsfólk, sum hava drúgvar royndir á økinum.

Búskaparráðið hevur víst á, at trýstið á tænastur á eldraøkinum veksur næstu árini. Hetta er ein avbjóðing, sum verður tikin í álvara, og málið verður raðfest í ráðnum, sigur Jenis av Rana.

Annika Olsen spurdi, um ætlanin er at stytta arbeiðsvikuna hjá starvsfólki, sum arbeiða skiftandi vaktir.

Jenis av Rana svarar, at hetta er eitt arbeiðsmarknaðarmál, og er ikki eitt øki, sum landsstýrismaðurin í mentamálum varðar av. 

Skúladepilin í Hovi, Miðnámsskúlin í Hovi, Miðnámsskúlin í Suðuroy, Heilsuskúlin, Heilsuskúli Føroya

Heilsuskúlin í Hovi. Fleiri lesandi verða tikin inn á heilsufakligu útbúgvingarnar næsta ár, sigur landsstýrismaðurin.