Jóannis vann á Fløtt-beiggjunum

Jóannis Joensen úr Sunda Byrsufelag og Alex Johannesen úr Eysturskoti gjørdust leygardagin føroyameistarar í ávikavist skeet og trap leirdúgvuskjóting.

Skeet kappingin bleiv avgreidd á breytini hjá Sunda Byrsufelag við Norðskála. Eftir innleiðandi umførini lá Jóannis Joensen á einum 5. plássi, men hann er ein sterkur finaluíðkari, og síðsta umfar megnaði hann at vinna, tvær dúgvur frammanfyri nærmasta kappingarneytan, sum var Jóhann Fløtt.

Nummar trý gjørdist Tórur Fløtt, sum hevur royndir á føroyska skeet-landsliðnum.

Trap-kappingin bleiv avgreidd á nýggju breytini hjá Eysturskoti úti á Vík í Leirvík, og her vísti Alex Johannesen frá byrjan styrki. Í finaluni fekk hann harða kapping frá Johnhardi Klettheyggj, og tað var ikki fyrr enn seinastu fimm dúgvurnar skuldu skjótast, at Alex fór framum. Finn Ludvig endaði á triðja plássi.