Ætlar at hava rottu sum kelidýr

Heilsufrøðiliga starvsstovan og Umhvørvisstovan hava avgreitt eitt mál um rottu.

Ein kvinna spurdi fyrr í summar, um loyvt var at fanga eina rottu í náttúrini í Føroyum og hava hana sum kelidýr inni privat.

Sambært lógini um umhvørvisvernd er bannað at ala villa rottu uttan loyvi frá landsstýrinum.

Heilsufrøðiliga starvsstovan sigur, at eingin beinleiðis heimild er at nokta teimum tað, sum vilja hava rottu sum kelidýr.

Men tað er í andsøgn við kunngerðina um rottutýning.

Ramsar

Ketta er eisini komin upp í málið, tí ketta tekur fugl. 

Kettan er afturvendandi spurningur á Ramsar-fundum, sigur Heilsufrøðilga starvsstovan.

Ramsar er millumlanda sáttmáli, sum áleggur limalondunum at verja fugl.

Djórasjúkulógin og lógin um djóravælferð hava eisini verið uppi og vent, nú hesin óvanligi fyrispurningur er viðgjørdur.

Men sambært lógini um umhvørvisvernd er bannað at ala villa rottu uttan loyvi frá landsstýrinum.

Málið er tí avgreitt.