Bjargaðu 500 flóttafólkum

Italska sjóverjan bjargaði í gjár 500 flóttafólkunum nærindis oynni Lampedusa. 

Báturin sigldi frá libisku strondini, og sera trongt var hjá fólki umborð á bátinum. 

Felagsskapurin "Læknar uttan landamørk" sigur, sambært BBC, at harðskapur hevur verið framdur móti nøkrum av flóttafólkunum og at tey høvdu skaðar. 

Hildið verður, at tey eru illa viðfarin, meðan tey bíðaðu eftir at sleppa umborð á bátin í Libya.

Tvey sjóverjuskip og ein bátur hjá tollvaldinum bjargaðu flóttafólkunum og sigldu tey inn til Lampedusa. 

Í Lampedusa eru flóttafólkalegur, sum eru bygdar til at hýsa minni enn 300 fólkum, men har eru nú fimm ferðir so nógv flóttafólk í legunum.