Innkomuvegurin í Havn komin í tingið

Uppskotið um uttara ringvegin í Havn er nú komið í løgtingið.

Jørgen Niclasen, landsstýrismaður, biður um 110 milliónir til vegin.

Lógaruppskotið umfatar vegin frá rundkoyringini omanfyri Sandvíkahjalla til Klingruna, frá Klingruni til Villingardalsvegin, frá Villingardalsvegnum gjøgnum eitt berghol til Hotel Føroyar og frá Hotel Føroyum til Marknagilsvegin.

Vegurin er mettur at kosta 288 mió. kr.

Kommunan og landsstýrið gjørt avtalu

Tórshavnar kommuna og landsstýrið gjørdu í summar avtalu um vegin, sum eisini verður kallaður innkomuvegurin frá Eysturoyartunlinum.

Sambært lógaruppskotinum skal vegurin vera uttan forðingar, so sum ferðslubungur og tílíkt, soleiðis at hámarksferðin kann haldast.

Vegurin verður væntandi liðugur í 2025.

Tunnilsfelagið hevur longu gjørt ein part av vegnum, niðan á Sandvíkahjalla.