Privatar kanningarstovur fingið 67 milliónir

Landskassin hevur higartil goldið privatum kanningarstovum góðar 67 milliónir kr. fyri covid-19- kanningar.

Tað upplýsir Kaj Leo Holm Johannesen, landsstýrismaður, í svari til Beintu Løwe, løgtingskvinnu.

Hon hevur fleiri ferðir spurt landsstýrismannin í heilsumálum um hetta málið.

Í desember upplýsti Kaj Leo Holm Johannesen, at tá vórðu rindaðar 28,6 milliónir kr. til privatar kanningarstovur.

Nú er henda upphæddin komin upp á góðar 67 milliónir, sigur landsstýrismaðurin. 

Um mánaðarskiftið varð givist at kanna fólk við landamarkið.