Íslendingar leita eftir lodnu

Bæði íslendsku havrannsóknarskipini eru farin at leita eftir lodnu.

Hetta er kanningarferðin, sum verður gjørd hvørt heyst. Samstarv er millum Ísland og Grønland um kanningina.

Bjarni Sæmundsson ger kanningarnar fyri íslendsku havrannsóknarstovuna, og grønlendingar hava leigað Árna Friðriksson.

Farið verður víða um vestan fyri Ísland og við Eysturgrønland. Skipini sigla 7.000 fjórðingar.

Grundarlag undir tilmæli
Bjarni Sæmundsson er úti í 17 dagar og Árni Friðriksson í 19 dagar.

Tá ið skipini koma inn aftur, verður nýtt tilmæli gjørt um lodnuna fiskiárið 2021-2022.

Og um mánaðarskiftið november-desember kemur tilmæli um lodnuveiðuna 2022-2023.