Fosturtøka eitt av høvðusevnunum í valstríðnum

Val verður í Noregi mánadagin. Og eitt evni, ið fyllir nógv í norska valstríðnum, er markið fyri fosturtøku.

Fleiri flokkar vilja leingja markið fyri fosturtøkum úr 12 upp í 18 ella 22 vikur, skrivar Ritzau.

Sosialistiski Vinstriflokkurin vil, at frí fosturtøka skal vera til 22. viku, meðan Arbeiðaraflokkurin vil, at markið skal vera 18 vikur.

Í dag kunnu kvinnur í Noregi fáa fosturtøkur í serligum førum eftir 12. viku, um ein fosturtøku-nevnd góðkennir fosturtøkuna.

Fosturtøkunevndina vilja Sosialistiski Vinstriflokkurin, Arbeiðaraflokkurin, Tey Grønu og Vinstri taka av.

Norski forsætisráðharrin, Erna Solberg, heldur, at verandi lóggáva er góð, men hon er sinnað at kjakast um leiklutin hjá fosturtøkunevndini.