Roknskaparlógin ikki tikin í álvara

Tær eru tí í besta føri til onga nyttu og í ringasta føri villleiðandi og spill av tilfeingi. 

Landsgrannskoðanin er avgjørd í sínari ársfrágreiðing fyri 2020. Aftur í hesari ársfrágreiðingini má Landsgrannskoðanin ásanna, at langt er millum dagførdar roknskaparreglugerðir, stendur í frágreiðingini.

Síðani í januar 1995 hevur ein lóg ásett, at landsumsitingin og landsstovnar skulu gera eina reglugerð um roknskaparhaldið.

Men ásetingin í roknskaparlógini verður ikki tikin í álvara, sigur Landsgrannskoðanin.

Hon vísir á, at áseting um roknskapareftirlit fevnir eisini um at kanna fíggjarstøðuna. 

Hjá nógvum stovnum var fíggjarstøðan ikki røtt í fjør.  Landsgrannskoðanin vísir á nógvar skeivar konteringar. 

Stutt og greitt verður sagt, at alt ov nógvar skeivar bókingar eru. Úrslitið er, at roknskapurin hjá nøkrum stovnum er gruggaður.