- Tíðindi, mentan og ítróttur
Talan var ikki um gassspreinging
Talan var ikki um gassspreinging
Svenska løgreglan sigur, at okkurt var lagt við ella inni í íbúðarbygninginum í Gøteborg, sum sprongdist
16 fólk vóru flutt á sjúkrahús eftir spreingingina í íbúðarhúsunum í Gøteborg í gjár.
Mynd: RitzauScanpix
29.09.2021 - 08:46
Tað er einki, sum bendir á, at talan var um eina gassspreinging í einum íbúðarblokki í Gøteborg í gjáramorgunin.
Fleiri eldar stóðust av spreingingini, og 16 fólk noyddut á sjúkrahús til kanningar.
Ein talsmaður fyri svensku løgregluna sigur, at ein ella fleiri mans hava lagt eitthvørt við, ella inni í bygninginum, sum sprongdist.
Svenska løgreglan kannar eisini, umtalan kann vera um bandavirksemi.
Svensk bløð skriva, at ein løgreglumaður, sum hevur verið vitni í fleiri málum um bandavirksemi, búði í bygninginum.
Hann sigur við blaðið Expressen, at hann roknar við, at løgreglan fer at kanna, um hann var málið hjá teimum, sum løgdu spreingingina til rættis.
Er kopiera
Nýggjastu sendingar í ÚV
Nýggjastu sendingar í SV
