Sleppa aftur at ferðast

Avstralskir ríkisborgarar sleppa nú aftur av landinum at ferðast, upplýsir forsætisráðharrin, Scott Morrison.

Seinastu 18 mánaðirnar hevur verið at kalla forboðið hjá avstraliarum at fara landinum, uttan í heilt serligum førum, men nú verða strongu í landinum koronutiltøkini sett úr gildi.

Reglurnar eru framvegis strangari enn í øðrum londum.

Koppsett fólk í Avstralia, sum fara á landinum, skulu í sóttarhald í sjey samdøgur, tá tey koma heimaftur.

Tey, sum ikki eru koppsett, skulu í sóttarhald í 14 dagar á gistingarhúsi, og tey skulu sjálvi rinda fyri uppihaldið.

Nýggju reglurnar koma í gildi 1. november. 

Útlendsk ferðafólk sleppa kortini framvegis ikki inn í Avstralia, og tað er óvist, nær markið verður latið uppaftur fyri ferðafólki.