Landskassin skyldar fýra mia. kr.

Landskassin skyldar í løtuni umleið fýra milliardir krónur. Tað svarar til 18 prosent av BTÚ í 2021.

Landskassin rindaði í juni í ár eitt lán aftur upp á 1,35 milliardir krónur, og skuldin minkaði sostatt við hesi upphædd.

Í juni í fjør tók landskassin 1,6 milliardir krónur í láni fyri at tryggja, at peningur var tøkur í sambandi við koronu. Av tí at búskaparliga gongdin í fjør og í ár hevur verið betri enn væntað, var peningur tøkur at rinda skuld niður við í juni 2021, skrivar Landsbankin.