Aldursmarkið at fáa Samleikan verður 13 ár

Aldursmarkið fyri at fáa talgildan samleika eigur at lækka úr 15 árum niður í 13 ár.

Tað heldur Fíggjarmálaráðið, sum hevur gjørt uppskot um tað.

Peningastovnarnir hava víst á, at børn kunnu byrja at arbeiða og fáa løn, tá tey eru 13 ár.

Eisini hava viðskiftafólk hjá Talgildu Føroyum nevnt, at tað hevði verið ein fyrimunur hjá kommunum í sambandi við tiltakið ung í arbeiði, at aldursmarkið lækkaði.

Eitt annað dømi er talgilda koronupassið. Børn niður í 12 ár kunnu vera koppsett fyri koronu.

Tey, sum ikki hava snildfon ella teldil, kunnu fáa talgilda samleikan í einum geyma.

Ókeypis geymi

Hann skal kosta 300 kr. Nú er hann ókeypis.

Í august segði Løgtingsins umboðsmaður, at eingin heimild var at taka 350 kr. fyri slíkan geyma. Tí skuldu tey, sum høvdu goldið fyri geyman, hava pengarnar aftur. 

Eingin heimild er, tí eingin kunngerð er komin um gjaldið.

Lógin sigur, at slíkt gjald kann ásetast í kunngerð.