Drap bretskan politikara í eini kirkju

Drap bretskan politikara í eini kirkju
Sir David Amess varð stungin til deyðis, meðan hann tosaði við veljarar
Sir David Amess varð stungin, meðan hann tosaði við veljarar.
Mynd: RitzauScanpix  
 
15.10.2021 - 15:45

Bretski parlamentslimurin, Sir David Amess, varð í dag stungin til deyðis, meðan hann tosaði við veljarar í eini kirkju í býnum Leigh-on-Sea í Essex.

Klokkan 12:05 fekk bretska løgreglan fráboðan um, at ein maður var stungin fleiri ferðir í Belfairs Methodist Church í Leigh-on-Sea. Sambært løgregluni var ein knívur funnin á staðnum, og ein 25 ára gamal maður er handtikin, undir illgruna fyri morð, skrivar BBC.

Sambært The Guardian fór maðurin inn í kirkjuna og stakk Sir David Amess fleiri ferðir við knívi. 

Koma av gøtuni at hitta politikarar

Løgreglan leitar ikki eftir øðrum í sambandi við morðið.

Tað er ikki óvanligt í Bretlandi, at politikarar hava sonevnd constituency surgery, har teir sita og taka ímóti fólki, sum koma inn av gøtuni og fáa eitt prát við politikaran. Tað var til eitt sovorðið tiltak, at Sir David Amess varð myrdur.

Sir David Amess var 69 ára gamal. Hann hevur sitið í bretska parlamentinum síðani 1983, har hann umboðaði Konservativa flokkin. Hann var giftur og átti fimm børn.

Ein 25 ára gamal maður, sum kom inn í kirkjuna, er tikin fyri at hava dripið bretska parlamentslimin. (Mynd: RitzauScanpix)
Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214