Mette við Sjúrð: Spyr Trine

- Spyr verjumálaráðharran. Hatta er hennara borð.

Tað er stutta svarið, Sjúrður Skaale, fólkatingsmaður, fekk frá Mette Frederiksen, forsætismálaráðharra, tá hann spurdi, um hon veit, at landsstýrið og danska verjan skulu geva loyvi til at kanna havbotnin í Føroyum, tá sjókort skulu gerast.

Og Sjúrður Skaale hevur tí spurt verjumálaráðharran.

Skulu nú hava loyvi at kanna havbotnin

Føroyski fólkatingsmaðurin spurdi eisini Trine Bramsen, verjumálaráðharra, herfyri, hví tey, sum ætla at gera mátingar til sjókort í Føroyum, skulu hava loyvi til tess frá donsku verjuni.

Fyritøkan Wikmar í Havn, sum í nógv ár hevur kannað botnin í føroysku firðunum, hevur fingið boð um at burturbeina øll botndata, sum eru løgd út til almenna nýtslu síðani 1.januar 2020. 

Havbotnur, Føroyar

Føroya sjókort yvirtikið

Men 1. januar 2020 yvirtóku Føroyar sjókort, og nú er kravið, at landsstýrið og danska verjan skulu geva loyvi til slíkar kanningar. 

Lógin krevur tó, at umsókn verður send Umhvørvisstovuni fyrst, um sjómátingar skulu gerast.

Umhvørvisstovan vendir sær síðani til donsku verjuna.