Nú eru fimm fólk deyð við ella av koronu

Talið av føroyingum, sum eru deyðir við ella av koronu, hækkar støðugt. 

Lars Fodgaard Møller, landslækni, váttar nú fyri Kringvarpi Føroya, at eitt fólk doyði í gjár av ella við koronu.

So statt er deyðstalið nú fimm. 

Talan er um eitt fólk, sum ikki var innlagt á kronudeildini á Landssjúkrahúsinum. 

Fimta deyðsfallið hendir samstundis sum smittutalið setir met. 

Í gjár vóru 111 nýggir smittutilburðir staðfestir. 

Deyðstalið er enn ikki broytt á corona.fo, men fjórða fólkið, sum doyði við ella av koronu, andaðist mánadagin.