Svøríki fær sín fyrsta kvinnuliga forsætisráðharra

Tað kom óvart á svenska javnaðarflokkin, tá Løfven í august boðaði frá, at hann fór at gevast í politikki, eftir at hann hevði skipað nýggja stjórn, sum misti valdið tíðliga í summar.

Nú er 54 ára gamla Magdalena Andersson vald til forkvinnu í svenska javnaðarflokkinum, og hon fer at taka við sum forsætisráðharri, tá Stefan Løfven leggja frá sær.

Magdalena Andersson verður fyrsti kvinnuligi forsætisráðharrin í Svøríki.

Eftir at hon varð vald, segði Magdalena Andersson, at tað eru trý viðurskifti, sum hon fer at leggja serligan dent á, og tað er vælferð, veðurlagsbroytingar og kriminalitetur.

Ríkisdagurin skal góðkenna nýggja forsætisráðharran.