Biðja landið um pengar til Mentanarhúsið

Fuglafjarðar kommuna biður nú landið um pengar til Mentanarhúsið.

Kommunan hevur skrivað til Fíggjarnevndina hjá løgtinginum um at fáa Mentanarhúsið í fíggjarlógina.

Mentanarhúsið er bygt í 2002. Fuglafjarðar kommuna tók við húsinum í 2012.

Kommunan hevur seinastu árini sett av hálva aðru millión krónur til rakstur og viðlíkahald, og er sinnað at halda fram við tí.

Men hon heitir nú á løgtingið um eisini at lata pengar til Mentanarhúsið.