Ófullfíggjaður roknskapur hjá landskassanum

Ófullfíggjaður roknskapur hjá landskassanum
Løgtingsgrannskoðararnir hava nógvar viðmerkingar um landsroknskapin fyri 2020, sum nú er lagdur fyri tingið til góðkenningar
Nógvar atfinningar eru um landsroknskapin.
 
27.11.2021 - 08:35

Løgtingsgrannskoðararnir hava fleiri viðmerkingar til landsroknskapin fyri 2020, sum nú er lagdur fyri tingið til góðkenningar.

Løgtingsgrannskoðararnir leggja serligan dent á, at landsroknskapurin er ikki fullfíggjaður, m.a. tí at nakrir stovnar og grunnar eru ikki við í fíggjarlógini, landsroknskapinum ella i fíggjarstøðuni, og at tølini í fleiri roknskapum samsvara ikki við landsroknskapin.

Løgtingsgrannskoðararnir vísa á, at innaneftirlitið hjá TAKS á nøkrum økjum er ikki nøktandi, m.a. í sambandi við umsiting av lønarhæddaravgjaldi, loyvisgjaldi á alivinnu og Barsilsskipanini.

Ikki boðin út

Strandferðslan er farin í holt við eina KT-skipan, uttan greiða kostnaðarætlan, uttan at bjóða skipanina út og uttan at gera skrivliga avtalu við veitaran.

Løgtingsgrannskoðararnir vísa eisini á, at fíggjarstýringin av útbyggingini av Landssjúkrahúsinum hevur ikki verið nøktandi, og at landsgrannskoðarin enn einaferð tekur fyrivarni í roknskapinum fyri serviðgerð uttanlands.

Uppskotið um at góðkenna landsroknskapin fyri 2020 kemur til viðgerðar í tinginum týsdagin. 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592