- Tíðindi, mentan og ítróttur
Byrja við sterkastu mótstøðuni
Byrja við sterkastu mótstøðuni
Favoritturin, Føroyar, og Andorra, sum er styrkismett nummar tvey, bresta saman í fyrsta umfari í smálandakappingini í talvi, sum byrjar á Malta í dag
Helgi Dam Ziska og hinir á talvlandsliðnum skulu í eldin ímóti Andorra í dag
28.11.2021 - 14:46
Føroyar fáa dygga mótstøðu í fyrsta umfari av smálandakappingini í talvi, sum byrjar í dag á Malta.
Andorra, sum vann kappingina í fjør og er næststerkasta luttakaralandið sambært styrkismetingini, verður hinumegin borðið ímóti føroysku favorittunum, skrivar faroechess.com.
Miðalstyrkitalið hjá føroyska liðnum er 2339, meðan Andorra hevur 2239.
Í øðrum umfari, sum verður telvað mánadagin, skulu Føroyar takast við Luksemborg, sum er styrkismett nummar trý.
Føroyar hava munin á øllum borðunum ímóti Andorra. Helgi Dam Ziska og John Rødgaard telva við svarta fólkinum, og Høgni Egilstoft Nielsen og Luitjen Akselsson Apol hava hvítt.
Er kopiera
Nýggjastu sendingar í ÚV
Nýggjastu sendingar í SV
