Hans Jacob Joensen farin

Hans Jacob Joensen, fyrrverandi biskupur, andaðist sunnudagin. 

Hann var biskupur í Føroyum í 17 ár, frá 1990, tá Føroyar gjørdust egið bispadømi, til 2007, tá fólkakirkjan var yvirtikin.

Hans Jacob Joensen var føddur við Gjógv 10. november í 1938, og flutti aftur til Føroya, tá hann gjørdist prestur í Suðurstreymoyar prestagjaldi í 1975. 

Tá Suðurstreymoyar prestagjald var býtt sundur í 1978, gjørdist Hans Jacob Joensen sóknarprestur í Suðurstreymoyar eystara prestagjaldi, til hann gjørdist fyrsti  biskupur í Føroyum í 1990.

Hans Jacob Joensen var eisini sera málkønur maður, og hann var millum annað við til at gera eina nýggja føroyska bíbliutýðing saman við øðrum.

Hans Jacob Joensen var 83 ára gamal, nú hann andaðist.