![](https://kringvarp.fo/sites/default/files/styles/myndasavn-width/public/tunnilsgrot_a_velbastad_lastbilur_vippar.jpg?itok=YO5_nF1_)
- Tíðindi, mentan og ítróttur
Nýggjur býlingur á Velbastað staðsetast oman á tunnilsgrótinum
Nýggjur býlingur á Velbastað staðsetast oman á tunnilsgrótinum
Tórshavnar býráð hevur avgjørt at gera eina útstykking á økinum á Velbastað, har grótið úr Sandoyartunlinum var lagt
![](https://kvf.fo/sites/default/files/styles/grein-ovasta-mynd/public/vlcsnap-2020-08-28-10h48m16s641.png?itok=vzegYe9J)
Bústaðir skulu vera vestan fyri vegin og til vinnu eystanfyri
Mynd: Savnsmynd
17.12.2021 - 09:26
Tá grótið úr Sandoyartunlinum var lagt í ein haga á Velbastað var tosað um, at har skuldi vera bøur, tá grótið var tyrvt.
Men nú hevur býráðið avgjørt at gera eina útstykking á økinum, bæði til bústaðir vestan fyri vegin og til vinnu eystanfyri.
Talan verður um ein nýggjan býling á Velbastað.
Við landsveg
Økið er við landsveg og skal tí til hoyringar hjá Landsverki.
Eystur- og Sandoyartunlar hava játtað, at kommunan yvirtekur tær avtalur, sum felagið hevur við festaran á Velbastað, tá teirra virksemi er liðugt.
Kommunan skal keypa lendið frá Búnaðarstovuni.
Nýggjastu sendingar í ÚV
Nýggjastu sendingar í SV