Demokratia: Fólkaræðisligt afturstig at eingin kvinna er í landsstýrinum

22.12.2021 - 12:42

Innlendis›Samfelag

Í løtuni er ongin kvinna í landsstýrinum, og heldur sitandi samgonga fram, er tað fyrstu ferð í 18 ár, at einans menn sita í landsstýrinum

Arnfríð Dahl

Aktivera javascript

Tað er ein fólkaræðisligur trupulleiki, at ongin kvinna er í landsstýrinum nú, heldur forkvinnan í Demokratia

Mynd: Savnsmynd

Tá Elsebeth Mercedis Gunnleygsdóttir og Jacob Vestergaard úr Fólkaflokkinum fóru úr landsstýrinum mánadagin í samband við 3. viðgerð av uppskotunum um sammøður, sótu fimm menn eftir í landsstýrinum.

Tað er afturstig fyri fólkaræðið, sigur forkvinnan í Demokratia, Kristina Gry Berg.

Sambært forkvinnuni í Demokratia, hevur Fólkaflokkurin beint nú gyltan møguleika at vísa, at flokkurin ikki bara er ein flokkur fyri slipsamenn.

Kristina Berg hevur eina áheitan til Fólkaflokkin, um tað vísir seg, at samgongan heldur fram og landsstýrissessirnir í almannamálum og fiskivinnumálum aftur skulu mannast.