Tríggir av sjey flokkum hava javnstøðu á valevnislistunum

14 kvinnur og 13 menn. 

Tjóðveldi er einasti flokkur, sum hevur fleiri kvinnur enn menn á valevnalistanum til løgtingsvalið.

Og hvør einasta kvinna ger mun, sigur Marna Jacobsen, fyrrverandi forkvinna í Demokratia.

Málið er javnstøða

Tjóðveldi liggur fremst, tá ið tað snýr seg um javnstøðu á valevnalistunum, tí tey hava eina kvinnu fleiri enn tey hava menn.

Við líka nógvum kvinnum og monnum hevur Framsókn eisini javnstøðu á listanum.

Og beint eftir er Javnaðarflokkurin, har mennirnir eru ein fleiri í tali enn kvinnurnar.  

Hetta eru samstundis eisini teir tríggir flokkarnir, sum hava víst á týdningin at arbeiða miðvíst við javnstøðu á valevnalistanum. 

Neyðugt at binda seg

- Jú minni ein flokkur bindur seg til javnstøðu á valevnalistanum, jú færri kvinnur eru eisini á listanum, sigur Marna Jacobsen.

Á listunum hjá Sambandflokkinum og Fólkaflókkinum er ein triðingur av valevnunum kvinnur.

Síðst liggja Miðflokkurin og Sjálvstýrið, har fjórða hvørt og fimta hvørt valevni er kvinna.

Hetta eru samstundis eisini teir flokkarnir, sum ikki siga seg arbeiða miðvíst við hægri kvinnuumboðan á listunum.  

Soleiðis liggja flokkarnir

Samanumtikið sær kvinnuumboðanin á valevnalistunum hjá flokkunum soleiðis út:

Tjóðveldi

Framsókn

Javnaðarflokkurin

Sambandsflokkurin

Fólkaflokkurin

Miðflokkurin

Sjálvstýri