Opið í Klaksvík - Óynsktur gestur í Havn

Ein persónur er handtikin fyri at hava brotið inn í leguhúsið Zarepta í Vatnsoyrum 1. jóladag. 

Tað upplýsir vakthavandi á politistøðini. 

Viðkomandi er skuldsettur fyri innbrot og stuldur. Viðkomandi hevur longu játtað seg sekan. 

Zarepta

Vakmyndatólk avdúkaðu tjóvarnar

Tað var um hálvgum níggju tíðina jólakvøld, at løgreglan fekk boð um, at innbrot var framt í leguhúsinum hjá brøðrasamkomuni.

Tey, sum høvdu brotið inn, høvdu brotið ein rút.

Løgreglan hevði eina góða slóð at ganga eftir, tí vakmyndatólini góvu góða ábending um, hvørji tey vóru, sum brutu inn.

Klaksvík

Opið sum vant í Klaksvík

Fitt av fólki hevur eisini verið í býnum bæði í høvuðsstaðnum og Klaksvík í nátt í samband við høgtíðina. 

Skeinkistøðini í Havn lótu dyrnar aftur um ellivu tíðina í gjárkvøldið, meðan tey í Klaksvík høvdu opið sum vant. 

Í tí sambandinum hevur løgreglan eisini havt eitt sindur at gera. 

Stutt fyri klokkan trý í nátt fekk løgreglan boð um eitt møguligt harðskapsmál í býarlívinum í Klaksvík, og verður tað kannað nærri í morgun.

Óynsktur gestur í Havn

Nakað eftir hetta vóru boð eftir løgregluni um at koma eftir einum óynsktum gesti í einum húsi í Havn. Viðkomandi, sum var ólátaður og ávirkaður av rúsdrekka, bleiv tikin á politistøðina, har hann svevur rúsin av sær. 

Harumframt hevur løgreglan tikið tveir bilførarar fyri rúsdrekkakoyring í nátt - ein í Havn og ein á Skálafjørðinum.