Samgongan heldur fram

Einki samgonguslit. 

Tað váttar Bárður á Steig Nielsen, løgmaður, eftir kreppufundin í Lítlu samgongu í dag. 

Johan Dahl er ikki partur av samgonguni, men hann er enn partur av Sambandsflokkinum, og hevur verið loyalur móti samgonguni, sigur løgmaður. 

Bárður á Steig Nielsen, samgongukreppan

Nógv mál eftir at loysa

"Tað eru nógv góð mál eftir at loysa, hóast ein rúgva av málum longu eru loyst," sigur Bárður á Steig Nielsen og leggur afturat, at samgongan vil hava nøkur av hesum málunum niðan í Tingið longu í vár.

Eitt av hesum málunum er gongd í haga, og so er tað foreldramyndugleikalógin, sum skal geva pápum rættindi, og integrasjónslógin, sum júst er farin út til hoyringar, er eisini eitt mál, sum skal loysast, sigur løgmaður.

Johan Dahl, Jacob Vestergaard

Ikki tosað við Johan Dahl 

Johan Dahl hevur boðað frá, at hann ikki tekur undir við eini samgongu, sum Jenis av Rana er partur av.

Bárður á Steig Nielsen sigur, at hann ikki hevur tryggjað sær, at Johan Dahl fer at atkvøða við samgonguni.

Men mest sannlíkt fer Johan Dahl at taka undir við málunum hjá samgonguni, sum hann hevur gjørt higartil, sigur Bárður á Steig Nielsen, løgmaður.

HOYR SAMRØÐUNA, SUM MARJUN DALSGAARD GJØRDI VIÐ LØGMANN.