Nærum helmingurin av ráðharrunum er kvinnur

Næstan helvtin av ráðharrunum og vararáðharrunum í nýggju hollendsku stjórnini er kvinnur, tær eru 14 av 29. Listin varð almannakunngjørdur í gjár, skrivar Ritzau.

Ein kvinna fær sessin sum fíggjarmálaráðharri, og tað er fyrstu ferð í hollendsku søguni.

Ritzau samanber við Danmark, har seks av 20 ráðharrum eru kvinnur.

Í Týsklandi, har nýggj stjórn varð skipað fyri jól, eru átta menn og átta kvinnur, umframt Olaf Scholz, sum er samveldiskanslari.

Nýggja stjórnin í Hollandi tekur eftir ætlan við 10. januar.