Veljarakanning: Fólkaflokkurin minkar niður í helvt

Veljarakanning: Fólkaflokkurin minkar niður í helvt
Var val nú, høvdu andstøðuflokkarnir fingið tvífalt so nógvar tingsessir sum samgonguflokkarnir
Fólkaflokkurin, sum í løtuni hevur átta tingsessir, hevði tódnað niður í helvt, var val nú, vísir nýggj veljarakanning.
Mynd: Bjarni Árting Rubeksen  
 
07.01.2022 - 10:25

Var val nú, hevði Fólkaflokkurin minkað niður í helvt, úr átta tingsessum niður í fýra tingsessir.

Tað vísir ein kanning, sum Spyr.fo hevur gjørt fyri In.fo.

Á løgtingsvalinum í 2019 fekk Fólkaflokkurin 24,5 prosent av atkvøðunum, men var val nú, hevði hann fingið 13,3 prosent, ella góð 11 prosent minni. Og tað hevði bara givið fýra tingsessir, vísir kanningin.

Sambandsflokkurin hevur eisini afturgongd. Á valinum í 2019 fekk Sambandsflokkurin 20,3 prosent, men var val nú, hevði hann fingið 16,3 prosent. Sambandsflokkurin hevði farið úr sjey niður í fimm tingsessir. 

 

Javnaðarflokkurin nógv størstur

Javnaðarflokkurin er stóri vinnarin í kanningini. Hann hevði fingið góð 32 prosent av atkvøðunum, ella 10 prosentstig fleiri enn á løgtingsvalinum í 2019, og 11 tingsessir. Javnaðarflokkurin hevur í løtuni sjey sessir í tinginum.

Javnaðarflokkurin hevði fingið fýra tingsessir aftrat, vísir kanningin. Aksel V. Johannesen og Jørgen Niclasen í tinginum. (Mynd: Bjarni Árting Rubeksen)

Tjóðveldi hevur eisini framgongd í kanningini, og hevði fingið góð 20 prosent av atkvøðunum. Tjóðveldi hevði farið úr seks upp í sjey tingsessir.

Sjálvstýri hevði fingið 3,7 prosent, og hevði varðveitt sín tingsess.

 

Framsókn ein sess aftrat

Framsókn hevði fingið ein tingsess aftrat, og hevði farið úr tveimum upp í tríggjar sessir, vísir kanningin. Framsókn hevði fingið umleið 10 prosent av atkvøðunum, sum eru 5,3 prosentstig fleiri enn á seinasta løgtingsvali.

Miðflokkurin hevði havt eina lítla afturgongd, men hann hevði varðveitt baðar sínar tingsessir. 

Úrslitið av kanningini, sum Spyr.fo hevur gjørt fyri In.fo, vísir, at var val nú, høvdu andstøðuflokkarnir fingið tilsamans 22 tingsessir, ella tvífalt so nógvar sum samgonguflokkarnir. 

 

 

Er kopiera
Nýggjastu sendingar í ÚV
Fríggjadag 1. august
Praktikanturin: Anna Helena Eysturoy Lassen
195160
Fríggjadag 1. august
Radio Stjernekilde II - part 8
195151
Fríggjadag 1. august
RagnarRokk: Roine Stolt um Love
194169
Fríggjadag 1. august
Morgunlestur fríggjadagur 1. august 2025
194903
Hósdag 31. juli
Millum tøkini #7: Ólavsøkuróðurin
195124
Nýggjastu sendingar í SV
Fríggjadag 1. august
Veðrið
195172
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019