Hækka kirkjuskattin, tí tekjan á Christianskirkjuni skal skiftast

Kirkjuskatturin í Klaksvík hækkaði 1. januar, úr 0,6 prosentum upp í 0,9 prosent.

Og tað skal hann vera til ársenda í 2024.

Eykapeningurin, sum kemur inn, skal brúkast til at skifta tekjuna á Christianskirkjuni.

Ein støðulýsing av kirkjuni var gjørd í summar,  og hon vísir, at støðan er ikki góð, sigur kirkjuráðsformaðurin í Klaksvíkar kirkjusókn, Árni Brandsson Petersen.

Ein kostnaðarmeting, sum kirkjuráðið hevur fingið sigur, at umvælingararbeiðið kemur at kosta umleið 40 mió.

Skattahækkingin fer at geva kirkjusóknini góðar seks mió. kr. meira yvir trý ár, og hon er longu komin í gildi.

Hóast tað, er ongin kunning komin um skattahækkingina, viðgongur formaðurin í kirkjuráðnum.