Fregnartænastuleiðari latin leysur

Lars Findsen, fyrrverandi stjóri í donsku fregnartænastuni, verður nú latin leysur.

Tað hevur Eystari landsrættur gjørt av.

Lars Findsen er skuldsettur fyri at hava brotið revsilógina, grein 109, sum merkir, at hann skal hava likið loyniligar upplýsingar, sum kunnu skaða trygdina hjá Danmark. 

Eftir hesari greinini kann hann verða dømdur upp í 12 ára fongsul. Hann noktar seg sekan, skrivar Danmarks Radio.

Framvegis illgruni

Eystari landsrættur sigur, at grundaður illgruni er um, at hann er sekur í skuldsetingini, men hildið verður ikki, at orsøk er til at hava hann varðhaldsfongslaðan longur.

Hann hevur sitið síðani 9. desember,

Býarrætturin í Keypmannahavn avgjørdi at varðhaldsfongsla Lars Findsen til 3. mars. Úrskurðurin var kærdur til landsrættin, sum í dag avgjørdi at lata fyrrverandi fregnartænastuleiðaran leysan.