Noreg í hernað móti lýsingum um peningaspøl

Norska miðlaeftirlitið sigur í tíðindaskrivi, at tíðarskeiðið frá august 2020 til juli 2021 er lýsingamarknaðurin fyri útlendsk peningaspøl minkaður við 35 prosentum,  men bert 27 prosent færri lýsingar hava verið fyri norsk peningaspøl hetta tíðarskeiðið.

Størsta minkingin kom eftir at nýggja lógin kom í gildi.

Miðlaeftirlitið hevur havt eftirlit við fleiri sjónvarpsrásum - frá Discovery til Nent Group, og hevur staðfest umfatandi og álvarslig brot á norska lóggávu um peningaspøl á fleiri rásum hjá Discovery.

Nú skal eftirlitið meta, um grundarlag er fyri at geva sjónvarpsveitarunum boð um at taka burtur lýsingar um peningaspøl á Discovery. 

Miðlaeftirlitið skrivar, at á norsku sjónvarpsskíggjum eru tíverri framvegis ov nógvar lýsingar frá útlendskum veitarum av peningaspølum, sum ikki hava heimild at bjóða fram spøl í Noregi.

Norskir mydugleikar fara at halda fram við royndunum at steðga hesum lýsingum, skrivar Miðlaeftirlitið.