250 fleiri løntakarar í februar

Fleiri fólk fingu løn í februar enn sama mánað í fjør. Tað boðar Hagstovan frá.

Knappliga 27.200 vóru í løntakaraskaranum í februar. Tað eru slakir 250 fleiri enn í februar í fjør, og vøksturi er eitt lítið prosent.

Seinastu tvey árini hevur vøksturin verið avmarkaður.

Gongdin í løntakaratalinum hevur ikki verið tann sama sum undan koronufarsóttini, men nú tykist løntakaratalið aftur at vaksa, sigur Hagstovan.