Finnland vil sleppa upp í Nato

bannari
Finnland vil sleppa upp í Nato
62 prosent av teimum spurdu siga, at Finnland skal fara upp í Nato, og tað er met
Sauli Niinistö, forseti, hevur sagt, at Finnland uttan drál, men varisliga má taka støðu til Nato-limaskap.
Mynd: Ritzau Scanpix  
 
15.03.2022 - 09:34

Russiska innrásin í Ukraina hevur ávirkað undirtøkuna fyri Nato í Finnlandi. 

Metstór undirtøka er nú fyri Nato-limaskapi.

62 prosent av finnlendingum siga, at teir taka undir við, at Finnland fer upp í Nato.

Tað eru níggju prosentstig meira enn fyri tveimum vikum síðani, skrivar finska kringvarpið, YLE.

16 prosent eru í móti Nato-limaskapi, og 21 prosent hava ikki tikið støðu.

 

Innrásin í Ukraina ávirkað hugburðin

Finnland hevur longsta landamark í Evropa móti Russlandi, og hevur verið hernaðarliga uttanveltað fyri ikki at erta Moskva.

Seinastu 20 árini hevur undirtøkan í Finnlandi fyri Nato-limaskapi ligið um 50 prosent, áðrenn hon nú gjørdi eitt lop, eftir at Russland gjørdi innrás í Ukraina.

Finskir leiðarar hava eftir russiku innrásina havt fleiri fundir við amerikanskar og norðurlendskar leiðarar um trygdina hjá Finnlandi.

Finski forsetin, Sauli Niinistö, hevur endurtikið sína áheitan, at Finnland "uttan at drála, men við varsemi" má taka støðu til, um landið skal søkja um limaskap í Nato.
 

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565